Mission Field visit report

Zomi Christian Fellowship, Mission Board in 2015 a Field visit ding project khat in kinei hi. Dated 19-12-2015 ni Mission Committee nu Kimbawi Secretary Mission Board te in ah ki nei hi. Tua ah kum bei ding ahih tawh Field visit ding pen vaihawmzo taktak ding I hi hiam ci in ka gen khawm uh hi. Pa Lianno Tawmbing, Jt.Secretary in I vaihawm zawh ding leh ken gari kong thawh ding ong cih ciangin, tha la thakin a mawhpua dingin Mission Board Chairman leh Secretary ki guang hi.

Field visit a paiteng:

1. Tual Kam 2. Nu feli 3. Pastor J.Mangte, 4 Dr. Rev LT Lianzaw 5. Elizabeth Mawite 6. Kappu suantak 7. Kamlianlal 8. Mangzasuan 9 Nang Lian Kham.(A mun a om Missionary te nupa: Kuldeep singh leh a zi Neelam)

Kavehna uh field pen, Sardarsaher town, Churu District Rajasthan ah hi.,(Partnership a seppih Rev.Dr LT Lianzaw The new beginning Gospel International Mission ) field laka khat ahi hi. Delhi panin 350 km khong a gamla hi. Sardar Saher veh khit ciangin Mission field dang khat Alipur Haryana veh leuleu ding in ka gel uh hi. Buaina hangin Haryana Field pen kiveh man nawnlo hi.

Sardarsaher a Agamleitang : Kamuh khakna ciang ciang uh pen, ahihleh gam kiphah dihdiahin noptuak mahmah hi.Gankhoi (Belam, bawng, kel) pi bawl mahmah uh hi. A population uh pen atangpi in 95,911 pawl ahi hi. Lingkung cih bang pian singkung lah hi buang tam mahmah hi. Kung phuklo in a heuh kiuhkeuh uh hi.

Biakna: Muslim a om tei hangin Hindu biakna a tampen hi. Kristian kuamah omnai lo hi. Hindu kulmut mahmah leh angei nate uh kem bit mahmah lai uh hi. Ei zomi Missionary Tg.Kaigin Sihna khua ahi hi. Field visit kapai ma peuhpeuh un zong Missionary pa na en cik khinta uh hi. A inn sapna nuaia dawrngakpa (Thungetna a video ongla pa) tawh zong na kinial khin uh hi. A thuhong so sanna diak pen ka tun uh ciangin i Hindu ngeina laih dingin Missionary te hongpai ci in tua video la pa in message in miteng (bajrang volunteer) a na theisak hi.

Kipat khiatna: Dated 30-01-2016 Jinglam 6.00am in Delhi panin kakipan uh a, nitak lam nai 2.30 pawl in katung uh hi. Kat un uh ciangin R.K.Palace hotel a kavante uh ngain, Missionary Kuldeep Singhte omna Sadarsahar kazuan uh hi. Missionary pa inn katun uh ciangin niang dawnin tua khit ciangin puan hawm dingin khuanawl lamah kapai uh hi. Puan ka hawmkhit uh ciangin, Thungetsak ding a ut inn nih om a, tuate thungetsak dingin kapai uh hi.

Thunget sakna kaneih masakna pen uh nupi tanih nei in zeng hi. Sum neihloh manin a tanu sangkah tawpsak hi. Thu kangetsak lai un Kolakaha khawtualte khat hongkihel a, inntekpa in ka ta naute hi ci hi. Tua pa in video in ka omdan teng uh na lala hi. Tua khit ciangin inn nihna ah thungen dingin kapai leuleu uh hi. Thu kanget khit uh ciangin Missionary pa inn lam zuan a kapai uh leh tangval hon khat (Banrangdal volunteer) hong kikhawm in khawl un hong ci uh hi.Tualai takin khuamui zilzial ta hi. Mihong kikhawmin hong ban vuak gawp uh hi.Tua panin mun zangna lamah hong paipih to uh a tua tengah hun sawt kuamtak hong vua leuleu uh hi.Kavek un kakikawi uh a, numeite gel kakual khum uh hi. Jai Sri Ram Ci untua hi leh hong khah ding ci uh a koka ci nuamkei uh hi. Puja bawl ding khong hong ci lai uh hi. Mihonlak panin vuakei un ci in a pang pawl oma, amau leh amau zong hong ki nial man uh hi. Tawl khat sung khawl zelin, hong kipan thak zel uh hi. khat in JAI SRI RAM A cih ciangin hong kipan diak uh hi. sawtsimtak hongvuak khit uh ciangin Auto khatah hong koih uh hi. koi lam zuan ding cih kathei kei uh hi. Ka tuantuan uh leh Police thane ah 8.00-8.30 pawlin hong tunpih uh hi.Tua laitakin kolakah Nu feli leh Kappu suantak omlo hi. Police te kiangah ka gen uh leh hong zon sak uh a asawtlo in hong tunpih uh hi. Hong vuak lai takunPasian in hanna hongpia a kuamah lauhmel pua ka omkei uh hi. Cikciang a khawl ding uh hiam cih bekbek lungsimah om hi. Kamsung keu bikbek in ciltui valh ding zong omlo hi. Police camp katun uh ciangin tui dawn ding hong pia uh hi.

Police Camp ah ka omsungun, Missionary pa Kuldeep Singh khat vei leh tuam koihzel khatvei leh la khiazel uh hi. Kobel bang mah hongcih nawn lo uh hi. Missionary pa zi Nu Neelam bel a naupai tawh, a pasal angaihsutna tawh hong buai simman hi. Police ten Room sungah kem uh a Umawitein ompih hi. Police camp kimteng ah mipi kikhawmin Jai Sri Ram, Bharat mataki ci in kiko zuazua uh hi. Hong buluh khak ding kalau mahmah uh hi. Ko zong ei mi ka call theih tengka call uh hi. eimi officer lian Delhi pan(V. Vumlunmang IAS), Rajasthan pan (Haulianlal IAS) leh Manipur paninThangkhanlal IG) phone call tam a muh luat uh ciangun a aw uh hong nem tuam mahmah hi. ka phone teng uh hong khopsak uh hi.

Apau uh pen hindi sianglianlo hi. Kolakah Pa Nang Lian kham Hindi siampen ahihmanin, akihonate uh hong gen zel hi. Miracle khat pen Kathunget laitak uh a video hong la pa penin a video evidence dinga a zatsawm uh leh delete kha ahih manin a evidence ding omlo hong suak hi. Hong ngawh sawmna pen a phuahtawm uh hong bang hi. evidence ding mulo uh hi cih katheih uh ciangun Topa tungah lungdam thu lungsim tekin kapuak uh a, a aw uh hong nem mahmah leuleu hi.Police camp ah ka omsung un kapuan hawmna mun teng uh leh, kathungetna in teng uh police te tawh mipi hon khatin vapha suakvek uh hi. Kapuan hawmkhit loh teng uh zong police camp hong tunpih uh hi. Kathunget saknate uh thu dongkhin uh hi.(Ka thungetsakna te un zong Biakna lam bangmah gen lo uh hi ci in Police te kiangah gen uh hi.) Miracle khatzong hi mai in teh Pastor J Mangte’ Camera lian in sel hak mahmah hi. Thungetna a limlak ding a kisawmleh a battery bei hi. Kei a in ka la uh a, kei a bel khutpek cia pha lel ahih manin sel nop mahmah hi. Tua bang hong muhsak le uh buai huai mahmah ding hi. Local Journalist te in hong ki gualsak uh a Man( gropu photo) hong la uh hi. Mi tam zaw zen uh hi. Lak mahmah ung Pasain hangin

Zingsang lam nai 1.00 pawl hong hih ciangin a hotel nai khat ah giak un tua hi leh ko zong kong guard na ding uh zong nuam ding hong ci uh hi. Kobel R.K. Palace ka sapsa uh hi a ka van teng uh zong kakoih uh hi. Tua zong ka gen ngam pahkei uh hi a hangin, kileh kik pah ding a hong pai hi ung ka ci uh hi. Asawtlo in, Police guardna nuaih ah hotel R.K.Palce lamzuanin hong paipih uh hi. Missionary pa bel police station ah kem uh hi. A zi Neelam bel ko tawh hong giak khawm hi. Zan sung tawntung Hotel ah police in hong guard hi. Zingsang khua hong vakin breakfast kane uh hi.( breakfast ka nek laitak un Neelam a khitui hong tak kaukau in dipngek na mahmah hi.) Breakfast ka nek khit uh ciangin police te in Gari nih tawh amau escortna nuai ah police camp lam ka zuan uh hi. Police camp ah bel Pa Nang Lian Kham leh Dr.LT Lianzaw Statement la uh a dangte hong la lo uh hi. kavek un man ( half photo) hong la uh hi. Ka min ka phone No. uh leh address hong la ciat uh hi. Missonary pa zong Sardar saher ah om theinawnlo ding a vanteng a la a paikhiat ding cih uh ahih manin a van teng la in, Police teven bitna tawh Delhi lam zuanin kongpai uh hi. Hih bang buai khiat cianga Innlam pen nuam lua hi. Vaninn lam i zot ciang a nop ding dan hong phawk sak mahmah hi.

Vuakleh bet gawpgawp a ka om laitak un Launa lungsim om het lo hi. Pasian na sepna ah zong pilvan a kuldan, I vaksuk I vaktoh nate ah mite mit meiven a kuldan, innsap ding bang zong et tel mahmah a kul dan hong sin sak mahmah hi. Tua banah I card bang puak a kuldan kaphawk thak thak uh hi. Bang hang hiam cih leh eimi pen india mi dingin hong koih lo mawk uh hi. India mipi hi na pi in ko zong india mi hi ung cih kul den hi. Tua ahihmanin paina peuhah I card puakham tang ding hong phawksak mahmah hi.

Topa in a misiangthote’ sihna guak suaksaklo hi. Missionary Kaizagin a sih khit zawh kum 7/8 ciangin Kristian innkuan khat The New Beginning Gospel International Mission tungtawnin hongpia hi. Tua khaici a muat lohna dingin leh ameng a hong om sawn sawnna ding thungetna ah phawkni. Tuate innkuan pen khalam thu ah a suak tung naungek tawh ki bang uh hi. Tua Kristain a suaktung te lakah khat pen Baptisma a tan ciangin a pasal in inn panin hawl khia hi.katun uh ciangin a lakik dinga apai tawh ki tuak uh hi) Haryana Field ka phak man loh uh hangin, Sardarsaher khua a sep ding a ka gel teng khem peuh uh kong zo uh hi. Ka puan hawm man loh teng uh a khawp kik uh hangin hawmkik ding ci veve uh hi. A theih loh kal un kosep ding teng a mau nasem ding uh hi. Pasian Gam lian semsem ta hen

-Tual Za Kam, Chairman, Mission Deptt. ZCF Delhi-